skip to main content

30 Day Healthy Challenge Eat Better, Live Better cu Ling & Sons

Ling and Sons lo duna oportunidad na 150 persona den haci un cambio pa un estilo di bida saludabel door di participa na diferente actividad cu e supermercado lo prepara gratuitamente. Prome evento ta tuma lugar 12 di augustus 2016 y e challenge ta termina oficialmente dia 4 di september 2016.

PARTICIPACION TA INCLUI:

·        Nutritional workshops cu nutritionista Johanna Stroo

·        Seccion di movement (coaching) cu instructornan di  2BFit

·        Health recipes & tips

·        Free Health Checks

E team di Ling and Sons conjuntamente cu expertonan di 2BFit gym y nutricionista Johanna Stroo lo guía e 150 personanan aki durante e 30 dianan di e challenge na unda cu tur siman lo tin un workshop ariba nutrición y tambe tur siman un coaching seccion pa asina duna cada participante e tools y información cu nan mester pa por hiba un bida saludabel.

Ling and Sons conhuntamente cu team di expertonan lo scohe ken lo bira e 150 participantenan cu lo ricibi e oportunidad único aki di participa na 30 Day healthy challenge a base di e healthy challenge inschrijfformulier. 
Manda e inschrijfforumlier na mmaduro@lingiga.com

Ling and Sons kier enfatiza cu e challenge aki no ta uno cu focus ariba solamente e parti di baha peso cual ta mira cu hopi biaha tin persona ta confundi bahamento di peso cu hiba un bida saludabel. E focus ta riba un estilo di bida saludabel cual ta encera sinja un persona manera correcto y varia pa haci mas movecion , sinja un persona tipsnan importante di nutrición.

Durante e proceso lo evalua participantenan nan progreso y dimes motivación durante e challenge na unda na final cu ayudo di expertonan lo scohe un ganador di e challenge aki cu lo gana 1 anja gratis di Gym 2BFit y tambe lo ricibi un weekend getaway pa 2 persona na un Spa & Beach Resort na Curacao.  Además di esaki Ling and Sons lo tin diferente premio pa particpantenan durante cada actividad.

Bo kier cambia bo estilo di bida pa uno saludabel? Pa registra por pasa cuminsando diabierna 8 di juli 2016 na nos Customer Service desk of via nos website www.lingandsons.com. Ultimo dia pa inscribi ta dia 27 di juli 2016.